Ftesa të mëtejshme për ish - bursantët

Qëllimi

Për ruajtjen e kontakteve, ish bursantët e DAAD-së, që kanë pasur bursa një-vjeçare, apo bursantët, të cilët kanë studiuar të paktën një vit në RDGj, mund të kërkojnë një riftesë, me qëllim që të realizojnë planet e tyre për për kërkime shkencore, apo punë në një shkollë të lartë shtetërore gjermane, apo të njohur nga shteti, ose në një institut për kërkime shkencore jashtëuniversitar.

Përshkrimi i programit

Përshkrimi i hollësishëm i programit për bursa, si edhe udhëzime specifike për aplikantët shqiptarë gjenden në faqen e DAAD-së: www.funding-guide.de

Kërkoni me termin „Wiedereinladungen für ehemalige Stipendiaten“ / „Re-invitation programme for Former Scholarship Holders“

FAQs: Engl

Dokumentat e aplikimit

Udhëzime praktike:

Si procedohet:

Nëse doni të aplikoni për një bursë DAAD, duhet të ndiqni radhën e duhur të veprimit:

Një kriter përzgjedhjeje i rëndësishëm, është një paraqitje bindëse e planeve të kërkimebve shkencore për qëndrimin në Gjermani, e cila përcaktohet me partnerin bashkëpunëtor shkencor në institutin pranues gjerman. Aplikimit duhet t'i bashkangjitet një miratim me shkrim mbi bashkëpunimin shkencor, ose mbikqyrjes, i cili i referohet planeve të aplikantit. Për më shumë informacion shiko: FAQs: Engl

Shkurtimisht: Proçedura e aplikimit online

1) Kërkoni programin e studimit që dëshironi të ndiqni: www.funding-guide.de dhe lexoni me vëmendje e kujdes të gjitha informacionet.

2) Regjistrohuni tek portali i DAAD-së:

•  Kliko tek „submitting an application“ / „Bewerbung einreichen“, lexoni me kujdes udhëzimet dhe rregjistrohuni

•  Aty do gjeni edhe një udhëzues për rregjistrim

3) Aplikimi online në portalin e DAAD-së

•  Shkarkoni formularin e aplikimit, plotësojeni deri në fund dhe ngarkojeni (upload)

•  Çdo dokument tjetër i juaji duhet të skanohet, të konvertohet në formatin PDF dhe pastaj të ngarkohet një nga një në faqen e llogarisë suaj.

KUJDES: Konvertimi apo skanimi direkt ne formatin PDF duhet të bëhet i thjeshtë , pra me qëllim që dokumenti të jetë i qartë dhe me madhësi jo të madhe, pasi çdo aplikant ka vetë 10 MB (Megabyte) hapësirë. Të gjithë dokumentat sëbashku nuk duhet ta kalojnë këtë limit.

•  Pasi t'i keni ngarkuar të gjithë dokumentat dërgojeni (send) aplikimin.

•  Pas kësaj do t'ju jepet pë shkarkim përmbledhja e aplikimit, të cilën do e ruani në kompjuter, pasi do ju duhet për pjesën tjetër të aplikimit.

4) Aplikimi në ambasadën Gjermane (Rruga Skanderbeg, Nr. 8, 1000 Tirana, Shqipëri)

Dërgohet nje kopje e aplikimit (të përmbledhjes, që shkarkuat dhe ruajtët në kompjuter pas dërgimit të aplikimit në portalin e DAAD-së)

Natyrisht që gjatë kohës së aplikimit, do të keni gjithmonë ne dispozicion konsultime nga lektorja e DAAD-së dhe asistentja e saj, për studimet dhe bursat. Por, mirëkuptoni që kohëzgjatja e konsultimit nuk është e pakufizuar, sepse në konsultime ka përgjithësisht shumë të interesuar dhe të interesuarit e tjerë duan gjithashtu t‘i shfrytezojnë këto konsultime. Për këtë arsye, ju lutemi paraprakisht të mendoni mirë rreth bisedave, se për cilat pyetje precize kërkoni përgjigje.

KUJDES: Mundohuni t‘i dërgoni aplikimet para datës 15 nëntor, pasi portali online atë ditë mund të jetë i mbingarkuar dhe mund të ketë probleme teknike, të cilat ndikojnë me vonesa dhe mosmirëfunksionim të aplikimit. Prandaj ju këshillojmë të mos prisni minutën e fundit dhe të aplikoni me kujdes!!!

Dokumentat për aplikim:

• Formulari online i aplikimit
• CV me të dhëna të sakta dhe të detajuara (deri 3 faqe)
• Lista e publikimeve shkencore (deri 3 faqe)
• Shpjegim i hollësishëm dhe i qartë i projektit të kërkimit shkencor (deri 10 faqe)
• Planifikimi kohor dhe vendor i detajuar (p.sh. në institucionin shkencor ftues, ku do zhvilloni kërkimin shkencor)
• Konformimin me shkrim për pranim nga institucioni ftues mbi bashkëpunimin shkencor, i cili lidhet edhe me qëllimin e kërkimit tuaj shkencor dhe pasqyron gatishmërinë e palës gjermane për sigurimin e vendit për zhvillimin e aktivitetit tuaj shkencor.

Afati i fundit i aplikimit ONLINE:

15. Nentor per qendrime qe fillojne nga Qershori deri ne Nentor te vitit pasardhes

30 Prill per qendrime qe fillojne nga Dhjetori i vitit aktual deri ne Maj te vitit pasardhes

Afati i fundit i aplikimit HARDCOPY (dorëzimi i kopjes së dokumentave, pra aplikimit online) në adresat përkatëse: 15. 11. 2018

Ambasada Gjermane:

Rruga Skenderbeg, Nr. 8, 1000 Tirana

PS: Kujdes oraret e hapjes në ambasadën gjermane: www.tirana.diplo.de